痞子無間道｜林漪娸選港姐入行從演44年首接壁咚戲大晒嗲功 爆令朱敏瀚火速面紅死穴

《痞子無間道》主要演員有周嘉洛、陳瀅、朱敏瀚、JW王灝兒、車婉婉、曹永廉、麥美恩、黃子恆、韋家雄、何泳芍等。 

之前周嘉洛為了《痞子無間道》「獻身」，接連兩集上演了合共17分鐘的「裸露戲」，再加上「移動格仔」的配合，喜感十足，成為熱話；昨晚（13日），《痞子無間道》另一名男主角朱敏瀚接棒擔任「露肉擔當」。在劇中飾演電力無邊的慕容恭梓的朱敏瀚，繼之前壁咚JW及何泳芍後，昨晚再度發功輪流壁咚林漪娸、車婉婉甚至安德尊！出名好演技的漪娸姐，全程全情投入向朱仔大派心心眼的同時，還激罕地以「嬌嗲聲線」演出！

漪娸姐笑言獻出了人生第一次壁咚戲，並踢爆朱仔拍完相關場口後慘變「面紅男」：「我哋嗰個年代冇呢啲架嘛，所以做戲好玩就係咁嘅年紀，都會畀人壁咚。其實做笑戲會有好多爆肚，容易有火花，亦會有少少忍唔住笑架。朱仔電力梗係犀利啦，佢哄到好耐嗰陣，我仲心諗點解佢啲眼睫毛咁長嘅？點解啲皮膚咁幼嫩嘅？但其實我覺得朱仔係驚架咯，自從拍完嗰場戲，我之後每次叫朱仔，佢就會即刻成塊面紅晒，個個都話好好笑。」

不說大家未必為意，原來漪娸姐於1980年透過參加香港小姐入行，當時她還得到第四名。選完港姐後，渏娸姐即加入拍劇行列，演齡超過44年的她，由於樣子保養得宜、加上本身別貴氣，近年一度贏得「闊太專業戶」之稱。雖然如此，但漪娸姐並未因而定型，除了今次獻出演藝生涯第一次「壁咚」，之前拍攝同一位監製Andy的《寵物Pet Pet》時，更豁出去哭別寵物蛇，敢於突破。

 

婉婉與朱仔的壁咚戲亦同樣有記憶點，除了婉婉由內到外的「心花怒放」表情連環送，其出手撫摸朱仔健碩胸膛的急色樣亦是喜感十足。婉婉坦言拍攝時心花怒放：「呢件事本身對於我已經好新鮮，仲要對住啲鮮肉，加上佢脹卜卜嘅心口壓埋嚟，係好high嘅，我嘅演繹係真情流露嘅，我哋兩個都係認真做嘅，咁先好笑架嘛，所以我係真係心花怒放嘅，同埋事前我都有專登問JW壁咚嘅心得。」