佘詩曼圍讀《新聞女王2》期待「Man姐」霸氣Look

視后佘詩曼昨日（27日）與譚俊彥、蔣祖曼、吳業坤及總監製鍾澍佳等人，為《新聞女王2》進行圍讀。新加入的成員蔣祖曼接受《東張西望》訪問時表示：「有得拍《新聞女王2》超開心，但係最開心竟然係我屋企人，我媽媽超開心，仲叫我學一下人家演戲，學一下人家點樣做人。」

佘詩曼在第一輯《新聞女王》的劇中造型打扮備受網民關注，更大讚其每個Look都能盡現「Man姐」的霸氣。今次第二輯當然同樣令人期待，阿佘自爆早前已進行第一次造型：「試咗好多，搞咗10個鐘都未試晒，所以大家拭目以待。」

期間，阿佘竟「投訴」吳業坤圍讀時冇大冇細，她說：「對稿嘅時候，佢要問我一啲問題，之後佢話喂，其實如果咁樣，跟住我就話Man姐都唔叫聲，叫喂。」隨後，吳業坤解釋道：「因為我哋拍完之後，都變得很要好，所以剛才對戲嘅時候，有啲用咗朋友嘅態度嚟講對白，要調整一下。」

不過，阿佘其實也是開玩笑，她一向提攜後輩，合作過的拍檔及後輩均對她讚口不絕，除了讚她沒架子，為人友善、慷慨外，更時常「袋錢」他們，並在演戲上給予不少寶貴意見。

另外，關於第一輯翻巴士一幕的精彩程度，當問到今輯再翻什麼時，總監製鍾澍佳預告將更加震撼：「我們對稿講到嗰度，大家都問我到時會點拍。」至於阿佘也在網上甫出圍讀相，發文表示：「事隔一年，全新嘅故事，熟悉嘅面孔，一樣又不一樣嘅感覺，『新聞女王2』正式啟動。」大批粉絲表示非常期待，更指「Man姐」正式回歸！

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。