《中年好聲音4》可嵐Deep V西裝搶Fo　姚兵扮羊食老虎大躍進

《中年好聲音4》將於本周日（5日）晚8點翡翠台播映「黑白榮耀換位賽」最終回。今集除咗競逐勝負外，亦有不少選手表現成為焦點。

其中一位焦點選手係「白羊君」姚兵（兵哥）。兵哥選唱許茹芸嘅《淚海》，演出一開波就獲評審們一致激讚，認為由參賽至今進步神速。主持車婉婉更大讚兵哥嘅廣東話有廣泛「大躍進」：「我依家好清楚聽到你講嘢。」周國豐亦提到，兵哥捨棄咗許茹芸原本嘅淒美版本，改用更帶「中年人澎湃版」嘅唱法演繹《淚海》。

至於谷婭溦則笑指兵哥一直都係「扮羊食老虎」，更驚喜兵哥能夠做到唱低八度再轉高八度都應付自如；海兒亦補充，見到兵哥唱歌時腳震原來係好事：「呢種震係From腎上腺素，其實你係好興奮、好享受。」海兒並建議兵哥下次演出可着質地較厚的褲，咁就唔會被人發現腳震。

同樣獲評審讚進步的，仲有可嵐。可嵐今集穿上Deep V西裝登場，性感之餘亦大放明艷光彩。她其後哽咽透露自己選唱陳奕迅作品《你給我聽好》原本是想送畀一位朋友，但因趕不及唱給對方聽，就希望透過歌曲鼓勵自己及身邊的人：「有一個朋友睇唔開，過咗身！所以唱呢首歌我想鼓勵我哋每一日都有好多唔同嘅選擇，因為我哋仲有好多嘢可以做。」

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。