《唱錢》郭偉亮畀「飄忽的XiX」嚇到腳軟要「呼喚輪椅」　放下主持身份親落親友區為愛女打氣

《唱錢》本周六晚（4日）第十集嘉賓為Eric Kwok「親生女」XiX——良玳瑩（Crystal）、楊秉頤（Caitlin）及繆昀希（Charlotte）。值得留意的是，三位囡囡年紀最細的Charlotte（沙律）只有17歲，最大的Crystal也只有19歲；但三人全程零緊張、零怯場，無論面對「緊張爸爸」Eric Kwok瘋狂逼迫，或係「跌入危險區」，都能處變不驚應付各樣難題，堪稱「人細膽大」。

今集最搶焦位，莫過於「緊張爸爸」Eric Kwok。雖然作為主持嘅Eric一早講明「冇事先通水」，但當三位囡囡正式落場時，Eric不但丟低拍檔Desta及森美，直接走去親友席為愛女打氣；而當愛女輪流上陣挑戰「Sing盤」時，Eric自稱忐忑不安，仲打晒手勢示意「唱慢啲／唱快啲」，不時更做出「食拳頭」同反眼等虛脫表情。

更爆笑係因為XiX其中一度太「飄忽」，Eric嚇到腳仔軟，甚至要「呼叫輪椅」。就算XiX唔使唱歌，Eric都唔停手——一邊企圖左右XiX闖關，一邊對三女囉囉嗦嗦，結果唔但惹來森美喝斥：「家屬靜啲」，更一度被森美「強行夾走」，畫面相當鬧爆！

至於XiX三人表現，因為系統暫時只容許一人挑戰，所以三人正式挑戰前已分好崗位：Crystal負責「型格擔綱」、沙律負責「柔綱」、Caitlin則負責「爆綱」，安排相當有創意。

三人之中，沙律率先出戰Level 1《陪著你走》，最後綜合成績達96.8%，拍子亦高達98.8%，表現驚人；據悉三人之間，當中更有一位成功唱出100%拍子準確率。

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。