《唱錢》江若琳找數挑機唱《Show You》　電工型男Lucas曾失聰　輕鬆挑戰陳奕迅張敬軒名曲

《唱錢》本周六一集係相當特別嘅「素人版」。除咗有曾以男子組合身份出道、現為電工兼職士司機素人崔可迪Lucas外，仲有Level 2《Show You》原唱江若琳親臨節目「找數」挑戰自己首本名曲！

事緣自素人雲老師挑戰《Show You》失敗後，坊間即湧現「Show You熱」，網民更驚嘆歌曲難度竟然如此高，仲紛紛召喚本尊江若琳。江若琳當時亦許下豪言，揚言會喺《唱錢》親自挑戰《Show You》。今集就終於兌現承諾。

江若琳提到雲老師當日表現，直言：「其實我覺得佢唱得幾好喎，啲字好急架嘛，但佢都跟得好好喎。」當Eric Kwok追問她找數心情是否「冇怯冇驚」時，江若琳亦爽快回應「係呀！」仲邊答邊做勝利手勢，信心十足。

至於今集另一位重點素人Lucas，同樣令人眼前一亮。他經常掛住燦爛笑容、陽光味十足。不過Lucas當年因現實生活問題放棄追逐歌唱夢；2023年更因疫情關係失聰，一度經歷人生低潮：「咁嘅狀態好驚唱唔到歌，好似自己本身有嘅嘢打散晒咁」、「個人會好𤷪憎，又會頭暈」。

好在Lucas靠意志過渡難關，現已回復約6成聽力，亦決定重新踏上音樂路；勇氣同意志實在可嘉。

另外，Lucas亦展現出唔少「孝順」同「擔帶」一面：當年放棄組合夢，源於想做回一個負責任嘅兒子——因為收入唔算穩定，總覺得自己未盡到兒子責任，所以希望搵到收入來源穩定啲，令媽咪更安心。

除咗人品出色，Lucas嘅唱歌功力亦相當唔錯：聲線靚且有感情，高音假音亦應付得順滑動聽。即使要挑戰天王級歌手陳奕迅同張敬軒嘅難度歌曲，Lucas亦能神態自若，表現輕鬆。

究竟Lucas會唔會繼「靚媽Mani」之後，成為第二位成功挑戰十萬港元大獎嘅素人？記住本周六晚收睇第十一集《唱錢》喇。

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。