楊茜堯羅子溢為女兒慶生　小珍珠愈大愈靚　一家顏值高　洪永城一舉動成亮點

楊茜堯和羅子溢結婚後育有一對仔女，轉眼大女「小珍珠」羅翊心已經6歲生日。二人為愛女搞生日派對慶祝，並以囡囡最愛的《魔雪奇緣》為主題。

楊茜堯日前喺社交網分享相片，見到現場布置滿滿藍白色氣球、雪花裝飾，還有一個十分精緻的生日蛋糕。至於小珍珠亦化身Elsa，穿上公主裙、戴著王冠，手拿七彩波板糖，開心得意拍照，超級可愛。

當然，少不了一家四口影全家福。楊茜堯亦發文向女兒送上最真摯祝福：「生日快樂，我們親愛的珍珠。六歲，是童話開始的年紀。願妳眼裡有星辰，心裡有山海，被世界溫柔以待，也勇敢奔赴美好。謝謝妳，讓我們平凡的日子變得閃閃發亮。願妳一生平安喜樂，自在成長❤️We Love You Forever #小珍珠」。

另外，二人亦邀請了洪永城一家出席。最搞笑係當楊茜堯和羅子溢嘅細仔想搭女兒Amber嘅膊頭時，洪永城即刻出手阻止，並幽默寫道：「細佬B要過咗我嗰關先﹗」。楊茜堯亦有分享兒子同Amber玩嘅片段，並留言：「細佬話Amber係佢第一個女仔朋友」，可見一班人關係好老友鬼鬼。

圈中好友朱千雪、黃翠如、陳自瑤、陳敏之等亦紛紛送上生日祝福。網民則大讚「小珍珠」愈大愈靚，仲指一家人顏值超高，氣氛溫馨又甜到入心。

相片來源: IG@inez_leong

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。