《正義女神》陳若思毒癮傻笑毛骨悚然　精神恍惚狀態超逼真

《正義女神》昨晚（13日）一集，小花陳若思亮相並同蔣祖曼有多場對手戲，令觀眾即刻關注她嘅演出。

劇中講到梁雅文阿Cat（陳若思飾）主動約見鄭邵玲（蔣祖曼飾）。阿Cat更帶邵玲去到寵物店，話想養貓；邵玲亦因此回想起兩年前阿Cat曾被控「殘酷對待動物」罪。面對對方質疑，阿Cat一改往日形象，真誠表示：「我已經唔同咗，大個女，我會照顧啲貓貓㗎。」

但原來事情背後更揪心：兩年前阿Cat喺寵物店吸食毒品，並將毒品放入寵物罐頭內。當毒癮發作後，她情緒亢奮、精神恍惚、行為亦出現混亂；更恐怖係當她見到貓貓接連倒下時，竟突然傻笑，整個樣子毛骨悚然，演繹到令人唔寒而慄嘅程度。

不過，阿Cat喺面對母親時又表現得驚青、有改過態度。她向邵玲表示：「鄭故娘我知錯喇，媽咪一個人養大我好辛苦，我唔可以再令佢擔心，放學之後我會即刻返屋企同埋我應承佢會幫佢做晒所有家務。」

而當阿Cat再見邵玲時，又提到自己會努力做律師；她亦感性致謝：「其實我好多謝你，兩年前如果唔係遇到你，我真係唔知我嘅人生變成點，同埋我知道你真心為我好，我都唔可以放棄自己嘅人生。」

唔少觀眾都指出，陳若思喺「吸食毒品後」嗰段的表現非常逼真，將精神恍惚、傻笑同思緒混亂嘅狀態拿捏得好到位，演出相當亮眼。加上早前總監製鍾澍佳亦預告她係另一個「惡魔少女」，相信之後劇情會更令人期待。

另外，陳若思現年30歲，曾於2020年參加《香港小姐競選》入行，終十強止步。她入行初期曾主持兒童節目《Think Big 天地》同《Hands Up》，其後於2022年加入J2，成為23位J2ers之一，主持《港女野人》、《開壇》及《Blah Blah Blah試新室》等而為人熟悉，近年喺劇集方面亦有亮眼演出，包括《新聞女王》、《刑偵12》、《執法者們》等。

相片來源: 《正義女神》截圖

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。