《女神配對計劃2》擇偶條件大公開！郭珮文要求月入10萬？何沛珈晒纖腰自爆愛溫柔男

《女神配對計劃2》載譽歸來，今日公開5位新女神，包括：陳若思、何沛珈、俞可程、阮嘉敏以及郭珮文。大會同時宣布，除咗呢5位明面女神之外，節目中仲會有N位隱藏女神現踢館，令整個配對計劃更添期待。

郭珮文：Bad boy＋月入10萬以上、身高178cm起

郭珮文以白色長裙亮相，仙氣十足。記者會上佢直接公開擇偶條件，笑言自己鍾意Bad boy型男；問到希望對方月入幾多，郭珮文就答：「10萬以上。」
至於身高方面，佢要求對方要有178cm以上。

陳若思：白色女神Look出場、EQ要高＋身高178cm起

陳若思以白色女神Look出場，透視紗裙更暗晒長腿。陳若思表示今次參加節目好緊張，原因係被蘇民峰師傅批示：2026年行大運、桃花運。
佢亦提到自己平時圈子較難接觸男仔，而擇偶條件方面希望對方：

• 身高178cm以上
• EQ要高
• 出街可同男方AA制（不介意）

俞可程：愛低調溫柔、可接受男生比自己細節＋要似張智霖有酒粒

俞可程以Tube Dress造型現身，晒香肩及長腿，十分靚女。
她表示自己喜歡低調溫柔的男仔，性格要謙虛沉實，又唔介意對方年紀比自己大。她亦話身高唔係重點，重點係男生要有酒粒，就好似張智霖咁的感覺。

阮嘉敏：男仔要主動、眼細單眼皮最愛＋孝順為先可分擔

阮嘉敏以碎花裙上陣，佢鍾意男仔比較主動，並自爆最愛眼細、單眼皮。
性格方面希望對方文靜中帶點幽默，最重要係：孝順父母，因為「錫父母一定錫老婆」。
另外，阮嘉敏亦自言係女強人，唔在意男方收入高低，大家可以分擔。

何沛珈：纖腰亮相、愛細心溫柔＋要求身高不能矮過自己

何沛珈以白色連身裙出場，大晒招牌纖腰，十分養眼。
她表示自己鍾意細心溫柔的男仔，最好都有酒粒。至於身高方面，佢要求對方至少要同自己差不多高度，而且絕對不能矮過自己。

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。