《中年好聲音4》蔡宓婕吳亦偉MVP強強聯手合唱《執迷不悔》宓婕直言有1原因唔想同佢合唱

Release date: 2026-04-23 15:00 | Entertainment News

《中年好聲音4》本周日（26日）播映「快慢二重奏」，上半場由20強組成雙人隊進行慢歌對決。今集焦點落喺上回合勇奪MVP的蔡宓婕，佢同同樣攞過MVP的吳亦偉強強聯手，合唱《執迷不悔》嘅粵語同普通話版本。

賽前兩人接受訪問，宓婕笑言自己其實有一個原因唔想同吳亦偉合唱。佢話以前兩人於團戰合作時，夾Key好難夾，心裏都高呼：「今次又係咁，點解會咁嘅？」亦偉則指大家定Key位定咗好多次，練歌過程終於明白宓婕點解會被稱為「老虎乸」。他仲提到宓婕老公曾睇佢哋練習，宓婕當時問老公覺得自己唱得如何，老公皺眉後宓婕就嬲爆話：「你給我什麼臉？不然你給我出去！」不過宓婕否認自己係「老虎乸」，強調自己其實有溫柔一面。

兩位唱將喺台上演繹《執迷不悔》時，肥媽就用「鮑魚雞煲」形容兩人演出。谷婭溦讚宓婕的中低音色很厚，而周國豐則講到《執迷不悔》最難表達就係「態度」，睇吓宓婕同亦偉嘅「態度」可唔可以打動出名「冷血」的周國豐。