《警是個大佬》王敏奕獲Bob力讚「TVB最靚」晒受傷花絮惹網民心痛

Release date: 2026-04-27 08:00 | Entertainment News

新劇《警是個大佬》正如火如荼拍攝，劇集由羅子溢、林盛斌、王敏奕、賴慰玲等演出。

Bob（林盛斌）早前喺社交平台大晒王敏奕靚相，仲忍唔住出言讚賞：「對咗佢差唔多成個月，我夠膽咁講，佢可能係而家TVB之中，其中一個最靚兼且係最好戲嘅。」一句讚得勁，力撐王敏奕狀態與演技。

Bob又透露，當身邊朋友知道佢同王敏奕合作時，反應好特別：圈外男性朋友原本以為做男主角冇乜反應，但得知佢可以同王敏奕一齊拍戲，大家就即刻興奮到不得了，令佢更覺得大家對王敏奕嘅觀感都好一致。

另外，王敏奕亦喺社交網上載拍攝花絮照，只見佢受傷痕纍纍：一時頭部黐住紗布，另一時就斷手用臂懸帶。她配上王菲《容易受傷的女人》，畫面相當我見猶憐，亦引來唔少網民留言心痛兼關心佢。

相片來源: Bob IG & 王敏奕IG

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。

Originally published in TVB.COM

Shopping Cart