《中年好聲音4》范子睿孖尹景順合唱《頭髮亂了》獻出「第一次」「舞」出娛樂性 氣氛熱烈到爆燈

《中年好聲音4》將於明（3日）晚8點翡翠台播映《快慢二重奏》雙人組隊比賽下半場，多位參賽者為今次主題都特地獻出「第一次」——跳舞。其中最具娛樂性、亦最具話題的其中一組，必定係「頭號殺手」范子睿與「東方不敗」尹景順合唱《頭髮亂了》。

子睿與景順的造型亦相當吸睛：子睿穿上黑白間條西裝褸，而尹景順則戴上黑白間條領軚、配搭間條西裝褲，整體打扮襯到絕。比賽一開始，音樂響起，身為「有跳舞底子」的景順輕鬆擺出有型姿勢；反而不太擅跳舞的子睿一度未能跟上節奏，卻反而因為動作不拘束、即時成為全場焦點。子睿更頻頻做出「亂槍掃射」式姿勢，成功帶起氣氛，連海兒都笑到收唔到聲。

唱到中段，子睿更突然「入戲」玩獨白向景順撒嬌：「到底今晚你去咗邊啫？」一句話即刻引爆全場笑聲，肥媽更笑到手舞足蹈，氣氛熱烈到爆燈。

除了現場效果十足，評審亦給予肯定。周國豐指子睿一開始跳舞嚴重甩Beat，但後來竟然能夠全部追上，同時讚兩人的演出很有娛樂性；海兒更點名大讚景順，指兩人全程又跳又唱，而且去到歌曲尾段全部用假音，依然保持穩定表現，並更搞笑建議子睿多些跳舞，絕對加分。

相片來源: 《中年好聲音4》

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。