《中年好聲音4》陳旭培跳《重口味》舞姿被讚可愛可嵐逼他做1件事自嘲似阿媽教仔

Release date: 2026-05-02 18:00 | Entertainment News

《中年好聲音4》將於明（3日）晚播映《快慢二重奏》雙人組隊比賽下半場！一向唔識跳舞嘅陳旭培直言一開始冇乜信心，好彩有可嵐不停畀信心佢。可嵐就自嘲自己好似「阿媽逼兒子讀書」，喺未有同旭培講聲嘅情況下，已經幫男方報名，仲話一齊去上4堂「跳舞速成班」。

兩人喺比賽上合唱《重口味》，仲大跳懷舊舞步。雖然旭培啲舞姿都幾生硬，但因為有舞台經驗豐富嘅可嵐一路帶住，成個演出睇落好有默契、非常合拍。
主持車婉婉用「好忙」嚟形容零跳舞經驗嘅旭培，話因為《重口味》歌詞密麻麻，又要記舞步，所以旭培嘅表現介乎「混亂」同「完成」之間，但仍然大讚佢啲舞姿好可愛。周國豐就指《重口味》講愛情係一種病，所以旭培嗰種「混亂」舞姿同首歌反而好夾，仲笑言要頒個「勤工獎」畀旭培，因為佢真係表現得好「忙」。