《重案解密》苗僑偉67歲仍型爆！杜凱斌扮大肚查案細節有驚喜

Release date: 2026-05-05 12:00 | Entertainment News

由三哥苗僑偉領銜主演的新劇《重案解密》於昨晚（4日）隆重首播。苗僑偉喺劇中飾演重案三組沙展「杜凱斌」，角色冷靜睿智、勇有謀，雖然同下屬溝通時帶少少疏離感，但舉手投足都散發濃濃型佬魅力，十分吸睛。

首集劇情主要圍繞轟動的「活剖孕婦奪嬰案」展開。為打破破案僵局，杜凱斌竟使出奇招：佢喺書包內裝滿樽裝水，再揹在胸前模擬大肚婆，用實際體驗去推敲受害者的行動邏輯。呢個細膩又有實感的安排，亦令苗僑偉的演技獲得唔少讚賞，觀眾直呼專業兼好戲。

從劇中可見，現年67歲的苗僑偉狀態依然大勇。佢一出場戴住墨鏡嘅造型直接氣場全開，型度爆燈；而私下嘅佢更被形容係「操肌達人」，長年嚴格管理身材，憑住最強Body成功凍齡，完全睇唔出歲月痕跡。

不少網民亦留言激讚：「三哥一出場，我對眼就離唔開佢」、「著咁多衫都見到肌肉」、「愈老愈有味道」、「寶刀未老」、「點解仲咁有活力？呢啲咪叫自律囉」。

相片來源: IG@michaelkiuwaimiu

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。

Originally published in TVB.COM

Shopping Cart