《中年好聲音4》「東方不敗」尹景順唱《阿嬤的話》獻過世婆婆 93分直晉級催淚彈

《中年好聲音4》昨（10日）晚播映「人生之歌」上半場。壓軸登場嘅係「東方不敗」尹景順。佢今場獻唱蕭煌奇為紀念祖母所創的閩南語歌曲《阿嬤的話》，係特登送俾過世的婆婆，背後真係好有洋蔥。

景順由細住喺婆婆屋企，同婆婆嘅感情特別深厚。佢回想同婆婆相處嘅片段時，眼神滿滿係唔捨同思念：「阿婆對我嚟講係非常非常重要嘅一個人，雖然佢依家唔喺度，但係佢以前講嘅每一句說話，我都會記一世。」不過因為婆婆因病離世，景順未能趕到見其最後一面。佢亦寄語大家：「人喺度嘅時候對佢夠好，就唔需要遺憾。」

景順真情流露，佢入心入肺嘅演唱成功引爆催淚彈；加上佢一貫保持嘅演唱實力同技巧，最終豪奪93分。佢揀咗「進取之路」，亦因此直接晉級。

肥媽見到呢一幕都忍唔住淚崩，表示：「你搞到我喊到成隻狗咁，你要明白我有17個孫啊！你帶到我哋去一個好溫暖，好溫馨嘅家庭裡面，每一粒音都到位，同埋畀到嗰message畀我哋。」，而同樣同婆婆感情好深嘅海兒亦直言感同身受，並隔空喊話：「婆婆都有睇《中年好聲音4》，想同婆婆講婆婆I love you！我愛你！」

相片來源: 《中年好聲音4》

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。