Shopping Cart
-
Your shopping cart is empty
-
-
EN
- EN
- 繁
- 简
羅子溢《警是個大佬》街頭拍攝被偶遇！肌肉量嚇親網民 私下專業又親民獲讚
Release date: 2026-05-13 09:00 | Entertainment News
羅子溢（原名：羅仲謙）除咗家庭生活美滿，演藝事業都一路愈做愈掂。去年佢主演嘅《金式森林》好受觀眾認可，雖然最後失落視帝寶座，但演技仍然贏盡口碑。
日前，羅子溢正為新劇《警是個大佬》開工。劇中佢再挑戰高難度演技，需要演繹靈魂附體後嘅反差性格。最近有唔少市民喺街頭拍攝現場偶遇佢，佢親民、健康同專業嘅形象，令佢喺小朋友同媽媽群體之中都特別受歡迎。
有幸運網民分享偶遇經歷，指羅子溢私下完全冇架子，仲會主動同粉絲自拍。相片見到，羅子溢身穿緊身白色上衣，多年健身成果一覽無遺，尤其係粗壯手臂線條同厚實胸肌，令不少網民直呼保養得好好、陽剛味十足；亦有粉絲看完都「心心眼」，稱讚：「佢肌肉好大...」
除咗外型吸睛，羅子溢嘅專業態度亦令路人印象深刻。有粉絲透露，喺等拍攝空檔時，羅子溢並唔係低頭玩手機，而係一直專注背誦對白。網民都感嘆佢將演員當成一份專業，而唔係靠光環；再加上佢出色外型，難怪會被形容為「內外兼備的好男人」。
相片來源: 小紅書圖片
按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。
Originally published in
TVB.COM
