朱敏瀚斷韌帶帶傷上陣勤力操練！與好兄弟衝出好成績：人生隊友一直Carry

朱敏瀚早前同好兄弟張振朗、周嘉洛同關曜儁參加室內健身運動比賽。為咗應付比賽，四人努力訓練咗3個月。期間朱敏瀚更不慎踢波受傷，導致斷韌帶，但佢仍然帶傷上陣。首次出賽時，他們最終以1小時8分9秒完成賽事，成績十分亮眼。

比賽後，四人接受傳媒訪問亦提到：雖然朱敏瀚帶住護具、腳部受傷仍然上場，但對方係隊中最快嘅一員；另外，佢哋亦透露有計劃再出戰8月泰國曼谷賽，同時亦想挑戰上海同深圳賽事。

日前，朱敏瀚喺社交網分享一段由接受手術治療，到最後參加比賽嘅片段。片中見到，當時即使已經戴上護具，他仍然好勤力咁操練；而到比賽當日，佢全力以赴，用盡每一分力氣完成賽事。

佢亦喺帖文寫道：「對唔住醫生，我無聽你講，手術後16個星期先開始跑步，但係放心，我有佢哋一直鞭我。每當我頂唔到，佢哋把聲就會出現，好恐怖，好窩心。感恩人生隊友 @owencheung @leokwan @kalok_ 一直Carry。我哋會繼續團火，焫㷫身邊每一個。Sport changes lives。」
字裡行間都反映，原來只要有好兄弟一齊支持、共同完成目標，就會特別熱血、有動力。

相片來源: IG@brianchu0523

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。