《中年好聲音4》陳旭培95分封MVP！科亞高巴《夢醒時分》止步16強

《中年好聲音4》今（31日）晚播映「經典情歌之夜」下半場。

許雲妮：沙啞聲線唱《你怎麼捨得我難過》斬92分晉級

今集先由許雲妮以獨特的沙啞聲線唱《你怎麼捨得我難過》，唱出「屢次被人飛」嘅感覺，成功觸動評審。雲妮一曲完畢即在台上淚灑，仲用主持車婉婉衣服擦眼淚，場面笑翻全場。

雲妮坦言今次最大挑戰，是將觀眾耳熟能詳嘅歌曲用全新方式演繹；最終佢獲得92分成功晉級。周國豐激讚雲妮係第四季入面其中一個自己最睇好嘅歌手，張佳添更形容佢嘅演繹「好似睇緊一套戲」，令評審意猶未盡。

科亞高巴：唱《夢醒時分》未達最佳水準止步15名

壓軸登場嘅係科亞高巴，選唱陳淑樺嘅經典金曲《夢醒時分》。不過由於未能發揮最佳水準，周國豐直指「成件事錯晒」，令《夢醒時分》變成「扎醒時分」。

8位選手表演完畢後，5位評審「退庭商議」，最終科亞高巴被淘汰，成為《中4》第15名。科亞高巴表示好榮幸站上《中4》舞台，並指《中4》係一個大家庭，感謝其他參賽者指導。

賽後佢亦表示，雖然自己未能晉級，但仍希望囝囝Jacob能以佢為榮：「我會為你而唱，為我們而唱，直到生命的最後一刻。」

陳旭培奪MVP：95分「神之一秒」細節處理封神

最後由「靚仔配音員」陳旭培於上半場獻唱《心酸的情歌》。憑著對細節嘅「神之一秒」處理，佢豪奪全晚最高的95分，並成功拿下今場MVP。

當得知自己奪得MVP，陳旭培激動大叫：「阿媽我得咗喇！」並表示會繼續努力，吸取各位意見，亦會繼續唱廣東歌。

相片來源: 《中年好聲音4》

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。