尹景順「東方不敗」上身！醉酒版《情深緣淺》Freestyle釋放靈魂　斬93分再奪佳績

《中年好聲音4》今（31日）晚播映「經典情歌之夜」下半場。繼早前以閩南歌《阿嬤的話》感動全場、勇奪MVP後，尹景順今場化身失意之人，演繹醉酒版《情深緣淺》，悲情唱腔打動評審，最終勇奪93分。

景順一身西裝登場，骨骨分明又充滿情緒張力；隨著旋律推進，他再融入個性十足的舞蹈，Freestyle釋放靈魂。一曲完畢，主持車婉婉都忍不住驚嘆：「好犀利喎！」更直指佢唱出了80、90年代嘅味道。

景順亦坦言自己演唱時全情投入：「我係好傷心嘅，好似飲醉酒咁！」而肥媽更盛讚景順直程「偷咗」黃凱芹名曲，形容若唔知係黃凱芹原唱，根本諗唔到會係佢嘅歌，並大讚佢嘅groove好靚、好有個人特色。知音人鄭子誠亦提到，當景順行出嚟時，海琪即場呼叫「好似黃凱芹」，連佢都覺得景順側面有啲Chris Wong嘅Feel。

評審周國豐亦指景順嘅樂感無庸置疑，自己特別鍾意佢喺歌曲後半部分嘅演繹：「成件事好海浪式，好延綿落去。」至於舞蹈部分，周國豐笑言自己未能完全get到。

同時，張佳添表示景順嘅演繹令其聯想到《中年好聲音2》顏米羔唱《淑女》時嘅感覺：「有啲妖妖哋」。張佳添亦欣賞景順勇於展現不同面貌，並希望佢能繼續放膽在舞台上釋放自己。

相片來源: 《中年好聲音4》

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。