詹天文橙色透視裙晒輕性感！密密操肌備戰首個個唱　盼下月騷成果

詹天文（Windy）將於下月舉行人生首個個人演唱會，日前她現身為個唱拍攝宣傳海報。當日詹天文以一身搶眼橙色透視裝亮相，盡顯亭亭玉立嘅少女身段，同時把青春輕性感魅力發揮得淋漓盡致。

在展現青春性感一面之餘，詹天文接受TVB娛樂新聞台獨家訪問時亦透露，今次造型同個唱主題息息相關：「今次嘅主題係『Chapter One』。之前我有首歌叫《序章·結局》，所以想以『序章』為主題。第一場演唱會亦希望係預示著一個開始、以一種色彩繽紛嘅感覺。」

為咗以最佳狀態踏上舞台，詹天文近期喺兼顧學業之餘，同時積極籌備演出，更密密健身操肌。不過被問到屆時會否大騷操練成果，她則表示會保持隨緣：「希望練到啲線條出嚟，有就騷；練唔到就唔騷，到時候睇情況而定，但我一定會努力。而且我做Gym之後食多咗嘢，人重咗，但我覺得一個人喺台上需要有呢種壓台感。」

至於外界最關心嘅嘉賓陣容，唔少粉絲都期待她會唔會邀請好姊妹姚焯菲（Chantel）助陣。詹天文今次率先揭盅，坦言嘉賓另有其人，但就堅持先賣關子。她又透露屆時會送上嶄新歌曲編曲環節，並準備咗精心編排嘅特別歌單，務求帶俾樂迷一個耳目一新的視聽盛宴。

相片來源: TVB娛樂新聞台

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。