《飛常日誌II》周嘉洛機場超寵粉狂被集郵！臨走前暖心「還筆」冧暈粉絲

周嘉洛喺下周一（15日）播出嘅新劇《飛常日誌II》中飾演「天才少年」程日飛。日前佢同一眾劇中演員齊集機場參與宣傳活動，人氣高企，一出場就引來全場粉絲尖叫，甚至出現「集郵」熱潮。周嘉洛亦對粉絲要求通通有求必應，態度親民，活動後亦有粉絲喺社交平台分享當日追星細節，直言佢私下極度細心。

有粉絲表示，當日現場相當混亂，唔少人都湧上前爭相索取合照及簽名，自己當時亦借出私家筆俾周嘉洛幫大家簽名。不過點都估唔到，活動結束、周嘉洛準備離場嗰陣之際，佢竟然仍然清晰記得筆的主人係邊位。佢更臨走前特意停低、轉身專程向該名粉絲交代：「你的筆在那裡」，希望確保物歸原主。

呢個小小暖心舉動隨即喺粉絲圈掀起熱話，不少網民亦紛紛留言讚佢「太細心、太貼心」，直說「細節見人品」。該名粉絲亦表示，被偶像咁記掛，當下真係有種被照顧嘅溫暖感。

除咗寵粉之舉之外，活動另一個重點就係周嘉洛同吳偉豪嘅合體。吳偉豪喺今輯新劇中飾演飛行區運作員「關宇安」，而佢哋喺處境劇《愛·回家之開心速遞》所組成嘅「安凌CP」一直深受觀眾歡迎。今次兩人再度同劇合作，令大量「CP粉」高呼期待。

而喺宣傳現場，兩位「金牌拍檔」一見面就立刻擁抱打招呼，瞬間將現場氣氛推向高潮，粉絲們都激動不已。

相片來源: 小紅書圖片

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。