家聲挑戰《翻騰》舞技爆燈　許志安大讚：Solo都冇咁犀利

《中年好聲音4》今日（14日）播映「安歌之夜」下半場。早前鄭家聲與「喊包琪」許美琪合唱《紅色跑車》，以火爆舞技獲網民洗版，封為「中4舞王」。今集他再下一城，挑戰許志安經典金曲《翻騰》，並再騷舞功，最終奪得本場MVP！

鄭家聲版《翻騰》360度空中翻騰爆場

家聲版的《翻騰》每一步舞步同節奏都做到Perfect Match，氣息控制亦非常穩定。他喺演出中接連完成華麗轉身，並完成360度空中翻騰等高難度動作，令全場氣氛瞬間爆起。
一曲結束後，家聲再使出招牌「跪地拗腰起身」，展現驚人腰力。憑住今場高水準跳唱表現，五位評審一致給出19分，最終家聲以最強95分強勢首贏MVP。

許志安激讚：我Solo都冇咁犀利

家聲表示今次改編主要參考許志安演唱會版本。作為嘉賓評審的許志安聽後亦大表欣賞，直言家聲勇於跳出舒適圈、持續突破自我，甚至表示其版本「超越」自己：「我自己Solo都冇咁犀利！你係我畀最高分嘅一個，你肯大膽行出嚟，呢份真心我好感動」。

另外，周國豐亦用「神打」形容其演出：「『神打』得嚟又靚，佢有兩下轉身好勁，咁準仲要啱Beat！今日嘅家聲係一路一路走上嚟，你嘅進步嘅速度係愈嚟愈大！」而張佳添亦讚家聲今次舞台係《中年好聲音》四季以來最型格的一次演出。

相片來源: 《中年好聲音4》

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。