《飛常日誌II》張馳豪帥氣登場！Aska秒變焦點人物獲讚保安Look完美Carry

熱播中的《飛常日誌II》，今晚（16日）一集張馳豪（Aska）帥氣登場，立即引起不少網民關注！

劇中，前人氣男團成員車成軒（張馳豪飾）新入職任機場保安。為免途人認得自己，他見工時戴了Cap帽、太陽眼鏡及口罩。當陳杰（洪永城飾）得知對方曾做明星，車成軒即解釋自己係歌手，並指曾屬男團成員，仲俾咗他的MV片給陳杰看，但陳杰似乎不太以為意。

其後成軒同陳杰一齊外出巡邏，先後被葉舒恩（鍾柔美飾）認得，之後一班旅客亦認出佢並包圍合照，場面一度變得混亂。

最搞笑係陳杰反應：「嘩！佢咁紅嘅咩？佢嗰隊唔係冇人睇先解散嘅咩？」舒恩立刻取笑他：「杰哥，乜你咁Out㗎！Boyz-X 解散之前係頂流男團，佢哋IG嘅IG追蹤者有幾百萬」。

隨後，李勝祥（徐榮飾）一見到成軒同樣認得，仲用男團手勢向對方打招呼；原來大家都認得成軒，唯獨得陳杰唔認識，難怪令他十分苦惱。

成軒表明立場，指自己真心想做機場保安；但陳杰仍對他有所保留：「辭唔辭職你再決定，總之你今日唔使再去T1（一號客運大樓），返office坐到等收工，我聽日再決定一個合適嘅崗位畀你。」

雖然張馳豪只係短短場口出現，仍成功吸引全城目光。網民紛紛大讚他身高185cm，穿上保安制服Look非常型仔、又好適合，留言稱：「Aska太靚仔吧」、「簡直係做自己」、「完美Carry呢套制服」。

戲外，張馳豪同樣以歌手身份出發。他於2020年參加選秀節目《聲夢傳奇》入行，憑靚仔外表兼歌聲，加上1米85高䠷身形圈粉無數；除外型出眾外，他更擁高學歷才華，難怪被封為新一代男神。

他小學及中學均在本地名校就讀，2013年赴美國讀書；其後在美國邁阿密大學修畢Strength & Conditioning（體適能）碩士課程，再到波士頓名校Tufts University攻讀營養學碩士，最終因參加《聲夢傳奇》而選擇退學。

相片來源: 《飛常日誌II》截圖

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。