《中年好聲音4》嚴肅導師秒變少女！韋綺姍公開向吳亦偉示愛　遭肥媽取笑「狼虎年華」

《中年好聲音4》將於本周日（21日）晚8點翡翠台播映「中123助力賽」上半場。今集邀得孫耀威任嘉賓評審，而「知音人」則由韋綺姍及李麗霞（黑妹）擔任。

節目驚喜位不絕！於前三季《中聲》擔任導師的韋綺姍，一向予人嚴肅、好「坐定」的形象；但今季卸下導師身份後，竟化身粉絲，少女心爆發，令現場氣氛即刻升溫。

今集「全能ACE」吳亦偉選唱《後知後覺》，歌曲全程都頻頻轉假音及飆高音，難度極高。表演完畢，他亦透露自己其實患支氣管炎。肥媽評語後，先踢爆原來韋綺姍與黑妹同是吳亦偉的粉絲，韋綺姍即忍唔住發出吳亦偉原創歌《吳亦偉》招牌的「彈舌音」嘟嘟聲；肥媽即爆笑取笑：「係靚仔都唔使咁啦」、「你兩個咁嘅狼虎年華吖！」周國豐亦補刀：「加埋成百幾歲！」全場即時爆笑。

當吳亦偉準備離開舞台時，韋綺姍更當眾向他表白：「我好鍾意亦偉㗎，你嘅Groove真係好好，好想同你跳番Part舞，我真係好鍾意你！」吳亦偉上前跟韋綺姍握手時，現場更即刻起哄「抱抱」、「咀嘴」，韋綺姍最後在徇眾要求下與男神相擁，場面甜到爆。

相片來源: 《中年好聲音4》

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。