港姐外景收官！馮盈盈送「鮮血守護者」電蚊拍、黃嘉雯傳掛件寓意、陳懿德暖送去水腫神器

《2026香港小姐競選》的湖南外景之旅已圓滿結束！經過連日朝夕相對，12位佳麗不僅默契大增，彼此感情亦更有增無減。今次行程最令人期待的，莫過於三位師姐馮盈盈、黃嘉雯及陳懿德隨團「加持」。她們不但傾囊相授，亦各自準備了實用小禮物送給師妹，十分貼心。

一向心思細密的馮盈盈，出發前觀察到有佳麗被蚊叮蟲咬，因此特意為大家送上電蚊拍。她笑說：「因為注意到10號（陳梓穎）畀蚊咬咗好多包，所以買咗一個電蚊拍守護大家，做鮮血守護者。」

9號佳麗周芳姿因廣東話不夠流利，在拍攝時經常需要工作人員糾正發音，令她感到不好意思。幸得師姐盈盈及時開解，周芳姿表示：「盈盈師姐開解我，話大家都好樂意見到我有進步，叫我自信啲面對鏡頭。」

外景拍攝早出晚歸，佳麗們如何保持最佳狀態是關鍵學問。德德（陳懿德）為師妹送上「去水腫神器」，她透露：「送咗黑朱古力、茶包同維他命，早上飲去水腫，同埋保持身體健康。」同時，她更傳授超實用的選美技巧：「建議佢哋平時寫低每日發生嘅事同感受，將來有訪問可以用，呢個都係之前有個師姐教我嘅。」

黃嘉雯則為組員送上具美好寓意的傳統掛件，祈願她們一切順利。她表示：「送咗傳統掛件畀佢哋，有唔同寓意，有保平安嘅、亦有健康、友情、事業、人緣乜都好啲！」

4號譚雅文亦趁機向師姐黃嘉雯請教如何展現完美「港姐笑」。曾做過模特兒的她直言不擅長招牌笑容，幸得師姐指點：「師姐建議我要對住塊鏡練多啲，同埋腦入面可以諗多啲開心事，自然而然會笑出嚟。」

12位佳麗名單如下：
1號袁絲珩Bernice、2號李澤欣Scarlett、3號李澄晴Chorie、4號譚雅文Tiffany、5號魏欣Etherine、6號盧蔚晴Jasmine、7號楊媛媛Vera、8號鄧匡閔Ada、9號周芳姿Gracia、10號陳梓穎Cecilia、11號顏懿菲Agnes、12號湯家琳Caris。

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。