3對星級夫妻Chill遊西葡！單立文胡蓓蔚花式放閃 陳山聰自揭「墮騙局」戶口冇晒錢？

「將軍澳福利會」一班好友向來感情深厚！近日，單立文（豹哥）與太太胡蓓蔚（豹嫂），以及陳山聰、胡定欣三個家庭，難得結伴同遊西班牙及葡萄牙。眾人亦陸續於社交平台分享旅途靚相，其中豹哥與豹嫂更連環晒出甜蜜合照，成功閃爆一眾網民。

今次旅行豹哥可謂全能上身，除咗化身大廚大展廚藝，仲變身攝影師幫太太胡蓓蔚安排多角度拍攝。當中他們在懸崖餐廳留影，其中一張豹嫂更攬實豹哥，兩人笑到「四萬咁口」，全程幸福甜度爆燈。豹哥更忍不住大讚今次行程：「The best trip ever」！

至於另一邊，陳山聰亦自爆「墮騙局」經過。原來今次旅行起意來自胡定欣的突發想法：「唔計一齊出Trip做嘢，今次第一次一齊去旅行，來個西葡遊！」陳山聰即幽默留言，透露自己僅用一分鐘就被對方說服，直指遇上「最大詐騙集團」：「今次簡直係遇上最大嘅詐騙集團，用咗1分鐘時間就喺電話度要我買晒機票酒店⋯⋯⋯⋯然後就户口冇哂錢，不過今次詐得幾好。」

雖然定欣晒出的合照見到一行人氛圍Chill爆，不過其中一張豹哥敷面膜的相片就惹來豹哥「投訴」。豹哥留言指：「你話過唔Po呢張相㗎」，定欣則即回：「你年紀大記錯」，好友之間互損爆笑，場面十分搞笑又溫馨。

相片來源: 胡定欣IG

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。