《愛‧回家之三代同糖》8月10日起播映！何依婷Pink OL造型勁煞食　趙浚承演奸角遭勒令增肌

TVB全新處境劇《愛‧回家之三代同糖》（下稱《三代同糖》），由羅永賢Marco監製，馬俊縈編審，馬俊縈、謝浩洋、潘逸豪執行監製，今日正式公布將於8月10日隆重登場，並逢周一至五晚八點於翡翠台播映。

劇中主要演員包括車婉婉、吳若希、李茵彤（Desta）、趙浚承、何依婷、李偉健、侯雋熙（Duncan）、關曜儁、周志康、容天佑、胡敏芝、林沚羿及潘靜文等，日前以「彩虹色調」鮮艷造型雲集電視城錄影廠，為劇集拍攝Opening；當中最特別的「三代同糖」組合——車婉婉、吳若希及Desta，齊齊以Candy Purple造型亮相，十分搶眼。

據知，《三代同糖》Opening共設三個主景，分別是吳若希、車婉婉、Desta屋企、吳若希公司，以及由舅父仔李偉健經營的小店。現場以真人拍攝＋AI生成的夢幻繽紛場景配合「同糖」主題，再加上大量巨型糖果道具，整體相當有心思、又充滿童趣。

雖然拍攝當日劇集尚未正式開工，但「婆孫」車婉婉與Desta已在鏡頭前大擺親密甫、零隔膜；而吳若希亦先後以黑白女強人及Purple Lady造型現身，與劇中「死對頭」趙浚承則大擺「史密夫決戰史密妻」Chok甫，畫面相當吸引。

至於首次亮相《三代同糖》宣傳活動的何依婷，則以迷人Pink OL造型現身，並連番向劇中老闆仔容天佑獻殷勤，十分搞笑。

談及首演處境劇，何依婷與容天佑、周志康接受《娛樂新聞台》訪問時表示，因為自覺沒有幽默感、不懂得搞笑，所以故事前期做了不少功課，要不斷思考「角色點樣做先有更多喜感」。周志康亦直指自己角色如公司「潤滑劑」兼女人湯圓，會同女同事相處得好Friend，甚至連生理期問題都會傾；不過他又強調自己會保持距離，講到「叫『何媽』嘛」，既似乖爸爸、先生，角色與真人相當貼近。

趙浚承增肌遭勒令　Duncan反被要求變瘦
同樣首次參演處境劇的趙浚承，因要挑戰「奸角」而需加把勁；他表示角色內心有陰暗面，因此「反而我係奸嘅」。而為配合「退役男團」設定，他透露被監製勒令增肌，並要一味夠Chok：「我真人都係退役男團，哈哈！」主持許文軒更笑問他要「扣少幾粒鈕」，趙浚承即搞笑回應：「係呀，爆開架，原本扣咗。」

至於劇中飾演趙浚承弟弟的Duncan，則一聽到增肌指令即笑言自己反而被要求變番「細隻仔」，並稱可將私家蛋白粉借給趙浚承；Duncan說監製要他瘦啲，他亦因此停了蛋白粉，但Gym照做。

吳若希讚劇情生活化　車婉婉自爆壓力
劇中主角吳若希受訪時大讚劇情極度生活化：「原來我哋鬥嘴得嚟都幾好笑喎，雖然好無聊、好雞毛蒜皮，但係好Life囉，人生就係咁」、「我覺得劇本咩嚟㗎？人生嚟㗎？」車婉婉則搞笑「訴苦」：「到依家都唔知邊個係我老公。」吳若希即接招：「張智霖都OK。」

談到接棒處境劇，車婉婉坦言有壓力，指自己有使命感，希望以角色功能提供優質娛樂、陪伴觀眾；她更表示這份「使命」會延續來緊半年，令觀眾相當期待《三代同糖》正式播出。

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。