《唱錢》梁釗峰挑戰《玉蝴蝶》緊張到「定晒型」！唱《無人之境》痛苦爆青筋

《唱錢》本周六一集是明星版，挑戰歌手是男子組合C AllStar成員、現已作獨立發展的梁釗峰。

雖然釗峰被外界視為實力唱將，但他一出場已先「唉唉聲」，直言自己「好緊張上呢個節目」，甚至形容面對節目《唱錢》System時未玩先認輸。他透露為迎接挑戰，事前已不停練唱作足準備：「喺屋企哄住喇叭聽自己點唱，嘗試每首歌貼住原唱跟住唱。」然而他亦坦言對某些歌曲仍有心理關口，特別提到張學友的歌：「啲音要黐住原唱，變咗啲轉音要跟得好足。」

森美及 Eric Kwok 聽罷後反而對他信心十足，表示「有留意我就放心」、「聽你講完係有信心」，並指他「有機會挑戰Monster」。

釗峰在挑戰期間全程繃緊狀態，先後挑戰謝霆鋒經典 K 歌《玉蝴蝶》及陳奕迅歌曲《無人之境》，緊張到整個人「定晒型」。談到《玉蝴蝶》的難度，Eric Kwok 賽前表示不算大，主要難在 Jump 位重複三次。不過釗峰演唱時緊張到「企定定」，期間更用左手按着耳仔，專注望着螢光幕上的「旋律 Bar」演唱，壓力感非常明顯。

至於《無人之境》，Eric Kwok 賽前指歌曲難唱、氣位有限制，要求「爆上去唔好留力」。釗峰演唱時難度最主要在氣息控制及頻繁音域轉換，極考驗聲音掌控力。現場壓力下，他的緊張情緒更愈見明顯，一度唱到「青筋暴現」及臉容扭曲，音準亦出現多次大幅波動，音樂系統多次亮起「紅 Bar」及「DANGER」警號，氣氛緊張到爆。

此外，釗峰多次身陷「DANGER」警號，幾乎瀕死邊緣般掙扎求存，整體「唱得辛苦」，痛苦指數亦隨之上升，畫面感十足。Eric Kwok 則全程化身「聲音醫生」，留意到釗峰聲帶狀態不穩：「係咪有嚿痰撠住」、「聲帶好似唔係好控制」、「唱低音位聲帶好似有嘢撠住」。

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。