《夫妻的博弈》郭柏妍「綠茶」真面目終極拆穿　當眾翻舊帳爆性格反差靠入戲

《夫妻的博弈》昨（7日）晚播出一集，最令人痛快的一幕，莫過於幸如（高海寧飾）當眾揭穿「假閨密」潘雪文（郭柏妍飾）嘅真面目！

劇情講到，重塑形象嘅幸如拉着一直針對自己嗰「三人組」，同埋雪文當面對質，仲聯同浩恩（何廣沛飾）一齊拆穿雪文過往種種嘅謊言。原來潘雪文一直暗地裏不斷製造誤會，喺同學面前抹黑幸如，包括誣衊佢偷MP3、又用模仿幸如字跡去串竄改情書等一啲令人不齒嘅行徑。

不過即使「綠茶」面目被拆穿，雪文都一樣冇醒。佢先係繼續扮無辜、厚面皮應對，見咁樣都唔得，就索性徹底撕破臉，向「三人組」嗌爆：「我講啫，你哋唔識去求證㗎，我冇叫你哋去欺凌佢㗎，你哋自己去欺凌人，依家走嚟怪我啊！」到最後仲反過來怪幸如，話：「最衰就係你！枉我一直對你咁好」。

但係當雪文再想求幸如原諒都唔得之後，雪文就露出兇狠眼神，立誓要幸如償還一切，惡女形象一路貫徹到底！

郭柏妍今次嘅突破性演繹，明顯令觀眾眼前一亮。她亦提到，為咗更好投入角色，自己特別寫長篇人物小傳，但因為本身性格同角色反差太大，起初一度真係難以融入；好彩有監製、對手演員嘅引導，先順利入到戲。她就形容：「好希望真係做得壞啲，令到大家相信我都係一個衰人嚟嘅。」

郭柏妍又坦言，自己同高Ling飾演嘅幸如之間感情唔係單一嘅恨，而係由愛生恨：「雖然大家表面覺得我好憎佢，但其實我自己心入面係好鍾意佢，鍾意到變咗恨佢。」另外，佢都憶述其中一場戲到而家都好有印象：當時佢哋喺頒獎台到向幸如多謝，雖然其實當中有佢「好壞」嘅一面，但就可以慢慢用呢啲位去融入角色。

相片來源: 《夫妻的博弈》

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。