《夫妻的博奕》陳曉華化身馬國明冷艷未婚妻！紅唇貼身裙晒長腿 網民秒聯想《新聞女王》金句

熱播中的《夫妻的博奕》日前（12日）播出一集，花旦陳曉華正式登場，並化身為馬國明的未婚妻，令不少網民瞬間回想起《新聞女王》中馬國明在劇內的金句：「人咬狗嘅世界唔啱你，都係搵個男人嫁咗佢算」。

劇情講到，Senna（高海寧飾）相約家謙Aiden（馬國明飾）食飯，豈料Aiden突然取消約會，原因是他要與未婚妻胡曉彤Quinn（陳曉華飾）一家的見面。

Quinn甫出場即成焦點。她穿上紅色貼身裙、塗上紅唇，並以修長美腿搶眼，明豔又有氣勢；連葉卓苓君（黃文慧飾）見到她也喜上眉梢說：「Quinn，你愈大愈靚呀！」

Quinn隨即向Aiden說：「Aiden，好耐冇見。」短短一幕已引起網民關注，並指陳曉華今次妝容及造型與過往角色明顯不同，散發成熟女人味，十分搶眼。

就今次妝容安排，陳曉華接受tvb.com獨家訪問時透露，自己曾試過很多次不同的妝容：「今次角色嘅妝絕對係精心設計，好多謝團隊塑造咗胡曉彤冷艷嘅感覺，我依家睇番都唔係好認得自己。」她續說：「呢個角色又有唔同造型，同埋都係以紅色為主，較鮮艷嘅顏色營造到穩重感，幫助我投入角色。」

不少網民亦留言稱：「Hera呢個Look好成熟」、「睇得出佢一定係女強人」、「馬明喺《新聞女王》入面叫佢搵個男人嫁咗佢，原來係嫁畀佢」。

相片來源: 《夫妻的博弈》截圖

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。