中年好聲音4｜蔡宓婕《穿花蝴蝶》盡地一煲實力回歸　激動淚崩求認同

《中年好聲音4》將於本周日（16日）晚上8點，於翡翠台播映「10強累積排名分」最終回「衛蘭之夜」。今次節目邀得「情歌天后」衛蘭擔任嘉賓評審，而堪輿學家麥玲玲同資深歌手許秋怡亦會一齊坐鎮，做知音人。

本集「衛蘭之夜」歌單包括：許美琪《My Love My Fate》、許雲妮《大哥》、周志康《愛你還愛你》、尹景順《陰天假期》、鄭家聲《如水》、蔡宓婕《穿花蝴蝶》、鄭仲豪《就算世界無童話》、陳旭培《街燈晚餐》、吳亦偉《驗傷》、尤淑情《離家出走》。

此前幾個回合，擁有「小野貓」之稱的蔡宓婕表現相對平穩，冇出現太大突破。不過到今次準決賽，她就好似「盡地一煲」咁釋放晒能量，以層層推上嘅爆發力演唱《穿花蝴蝶》。她唔單止越唱越高音，連Ad-lib都激昂澎湃，現場節奏明顯被佢推到最高點。

宓婕唱完之後情緒失控忍唔住爆喊。主持車婉婉即刻追問佢點解咁激動；宓婕坦言：「呢隻蝴蝶好想得到大家認同。」而她亦最終獲評審們一致讚好。衛蘭就大讚宓婕唱歌充滿能量，特別係Ad-lib表現出色；周國豐則用「揮灑自如」形容佢嘅演出，更表示：「你成功地創造出有別於衛蘭嘅版本，係一件好困難嘅事，真正蔡宓婕嘅實力終於返嚟喇。」

相片來源: 《中年好聲音4》

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。