《中年好聲音4》尹景順93分奪第一名晉級7強！見偶像大膽認親當衛蘭係表姐

Release date: 2026-08-16 23:00 | Entertainment News

《中年好聲音4》今（16日）晚播映「衛蘭之夜」，終極七強正式誕生！今輪順利晉級嘅選手包括：尹景順、尤淑情、許美琪、許雲妮、吳亦偉、蔡宓婕以及鄭家聲。佢哋將會踏上終極決賽舞台。

當晚最矚目嘅係累積排名總分46分，成功奪得第一名嘅「東方不敗」尹景順。尹景順今次選唱衛蘭嘅《陰天假期》，一開聲就俘虜全場：佢嘅轉音絲滑流暢，去到飆高音時亦保持得好穩陣，完全冇刺耳感覺，最終直接拿下93分。

評審周國豐亦即刻分享感受：初時聽到景順嘅轉音，覺得有啲似粵曲；但隨後很快就適應咗，仲總結指係因為景順嘅唱法特別，所以同樣能夠打動人。

至於點解景順對衛蘭咁有認同感，佢更罕有地「大膽認親」。尹景順透露：「我每次唱衛蘭老師嘅歌時，都會講呢首係我表姐嘅歌。」主持車婉婉追問原因，景順笑住話：「認親認戚。」而衛蘭都表示自己好欣賞景順一路望住自己嘅眼神，直言好有感覺。

海兒同樣被震到起雞皮，直指《陰天假期》入面嘅轉音位「暗藏殺機」，但景順就能夠完美演繹，仲期望佢之後可以同衛蘭合作。

相片來源: 《中年好聲音4》

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。

Originally published in TVB.COM

Shopping Cart