《夫妻的博弈》董敬文再演「PUA王」賣慘拉攏徒弟何沛珈　網民：完美還原職場生態

董敬文在TVB熱播劇《夫妻的博弈》中飾演「職場PUA王」Hugo一角，把賤格上司的形象演得入型入格，直擊職場現實，令觀眾直呼「好似真係咁嘅」。

昨晚（25日）播出一集，Hugo再度出招拉攏徒弟Maggie林美淇（何沛珈飾）。他更上演「戲中戲」賣慘，誇張表情配上浮誇演技，連帶那副嘴臉都令不少觀眾看得笑爆肚。

劇中Hugo約Maggie到餐廳談，開口便先打感情牌：「得你一個係我信得過嘅！」但Maggie一句即刻點破：「你之前唔係話同太太移民乜？」Hugo見狀立刻秒入戲，露出悲痛表情，稱自己太太「身體出咗啲事」，再仰天長嘆：「真係晴天霹靂！要醫好我太太，我諗我啲積蓄好快會用晒，所以我要繼續留低，為咗我太太，我要更加努力！」整段情緒轉換極具戲味，亦與何沛珈的淡定反應形成強烈對比，令「另類師徒」火花十足。

Hugo最後再拋出「空頭支票」，拍心口保證會幫Maggie爭取升職：「我會同查理開聲，推薦你上去，到時你就會有更大嘅發揮喇！」觀眾亦相當受落，甚至不少留言指此舉完美反映職場生態。

此外，早前董敬文更為二人組合起名，笑指：「守業同美淇，呢個組合可唔可以叫做『守美呼應』？」他又表示劇集播出後好多人鍾意，自己亦「有返啲功勞」。何沛珈則即爆笑回覆：「師父好文彩！」

資料方面，董敬文畢業於美國羅格斯大學傳播學系學士，副修心理學。為追尋演員夢，他曾兩度投考藝訓班，最終於2013年成功考入第27期無綫電視藝員訓練班而正式入行。雖然多飾演閒角，但他仍用心對待每個角色，近年憑《逆天奇案》「車神」一角備受關注，之後亦參演《刑偵12》、《新聞女王2》等劇集。

相片來源: 《夫妻的博弈》截圖

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。