《藍朋友·旅朋友溫哥華篇》相隔5年罕見回歸TVB！鄧佩儀親揭當年神隱真因

《藍朋友·旅朋友溫哥華篇》今晚（30日）播出！節目中，王祖藍將與太太李亞男、囡囡Gabby及Hayley，連同亞男妹妹，一家人入住CP值爆燈的度假村，體驗出海釣魚同埋滿地生蠔的快感；同時祖藍亦會與亞男走訪UBC（英屬哥倫比亞大學）校園、拜訪溫哥華華姐培訓基地，並跟華姐好友鄧佩儀及張嘉兒相約整蛋糕，溫馨又熱鬧。

而本集最矚目之一，莫過於鄧佩儀（Gloria）相隔5年後罕有亮相TVB。Gloria曾係前華姐冠軍，亦喺2021年拍完劇集《換命真相》首度擔正女主角後，突然「神隱」長達一年半，外界當時更盛傳各種揣測，包括演技或態度等問題，甚至疑似被TVB雪藏；直至2023年，Gloria才喺社交平台透露，自己已於UBC修畢工商管理學士學位及電影製作課程，並打算喺加拿大繼續發展。

今次再度回到TVB舞台，Gloria狀態不但冇退步，亦直接正面回應當年離港的決定。佢坦言，身邊不少人都對她突然離開感到錯愕：「點解我突然之間會走呢？我嗰時嘅經理人都有打畀我。」Gloria又表示，《換命真相》拍完後，監製聲哥翌幾個月開新劇亦曾想搵佢，但她花了好多時間思考；最後她問自己十年後想過咩生活，亦發現自己真正想要的是在加拿大建立一個家庭，並同家人生活得更貼近：「又或者喺屋企人身邊。」

現於溫哥華任職Marketing的Gloria，亦分享現時生活節奏更適合自己。她表示朝九晚五反而令自己更開心，放工後可以運動、亦能見朋友，生活比以前更輕鬆、更有幸福感：「依家好開心，原來人係可以開心咁多嘅。」

此外，節目亦回顧Gloria當年年僅19歲，因為熱愛鍾嘉欣而飛往香港參選及發展演藝事業，當時她一方面難以適應拍劇日夜顛倒連踩的生活，另一方面亦唔能夠承受拍劇熱鬧過後的孤獨感。Gloria更直指自己曾多次以淚洗面，形容回家後的寂靜會令自己失落：「長久就會有少少Lost咯」、「嗰時真係自己一個不斷咁喊喺屋企，唔係好健康。」

至於張嘉兒，佢笑言自己返港選港姐，起初只因被免費機票吸引。講到當年當選後受到抨擊，嘉兒亦坦言曾一度陷入自我懷疑，甚至出現「Self-Doubt」：「我係咪真係咁差呢？」令佢當時非常難過。

除咗跟好友開心聚舊，節目中祖藍同亞男亦到溫哥華華姐培訓基地拜會溫哥華小姐統籌經理雷鳳娟，並「尋寶」意外發現不少亞男當年參賽時的珍貴回憶，令兩人都十分感動。亞男更趁機分享自己年青時在溫哥華「亂咁跟男人上車」的純情往事，令祖藍都忍唔住驚呼：「咁似拐帶兒童嘅？」現場氣氛即刻爆笑。

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。