《女神配對計劃2》甜蜜示範賽 陳星妤Oscar食鞋帶糖 梁超怡Oswald鼻尖互碰超時

《女神配對計劃2》星期日晚（18日）播出第 7 集，兩位新加入嘅「隱藏女神」陳星妤（Yvette）同梁超怡（Chiuyi）獲製作組邀請，參與「心跳錦囊」示範賽，超甜畫面率先睇！

梁超怡（Chiuyi）第一輪揀咗關經翰（Oswald），挑戰閉住眼靠感覺「搵」對方鼻尖，二人仲喺鼻尖碰到一刻睜開眼，深情對望十秒。

過程中二人又怕醜又不停傻笑，唔知係咪太過緊張，佢哋對望嘅時間竟然遠超指定嘅十秒，「依依不捨」嘅樣令主持人 Bob（林盛斌）都忍唔住笑佢哋：「唔捨得鬆開喎直頭！」

另一邊廂，陳星妤（Yvette）就揀咗「冷氣男神」方智弘（Oscar）做拍檔，挑戰親密度極高嘅「食鞋帶糖」任務，二人要一齊將糖果咬到最短距離。

面對陳星妤強勢進攻，怕醜仔 Oscar 幾次閉埋雙眼。陳星妤即刻霸氣要求佢「望住我」，嚇到 Oscar 擘大雙眼，心跳指數急升！Bob 繼續發揮煽風點火本色，不停叫陳星妤放電，場面非常搞笑。

最重要嘅係，兩位女神喺「心跳錦囊」嘅成績，會成為其他女神今集嘅挑戰指標。佢哋之後要喺「心跳電話亭」環節，同自己揀選嘅男士傾偈同玩遊戲互動，並要喺15分鐘內努力令男士嘅心跳數持續上升。假如女神未能達標，就會扣減 5 下心跳畀該位隱藏女神。

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。