异空感应大结局｜何沛珈百无禁忌农历正月初六拍后巷弃尸戏：只要系角色需要都应该要去做

虽然连环杀手杨医生（李顼珩饰）于第22集被烧死，但昨晚（25日）播出的第23集，竟再有新的连环杀手出现！剧情讲述有两名夜归女子先后惨遭扑头杀害，其中一名死者更是Dr. Fong（陈家乐饰）贴心助理Ada（何沛珈饰）。经警方及Dr. Fong连番调查，终锁定疑凶为介乎25-35岁的的士司机，特征则为身上的灰色外套。

严寒当街冻水淋头冲洗血浆 首拍动作戏意外撞到头

昨晚何沛珈（Roxanne）饰演角色Ada死状颇为触目惊心，惨遭弃尸后巷兼整张脸都是血。Roxanne接受tvb.com访问时，笑言除了化尸体妆花了不少时间，当街洗掉血浆的经历亦令她十分难忘：「因为要黐大量道具血浆喺块面度，所以拍完之后要喺条街度即刻洗番干净佢。嗰时虽然系冬天，条街又冇热水，但我都照攞冻水洗走啲血浆先。」Roxanne透露这次亦是她第一次拍摄动作场面，并不小心意外撞到头：「虽然武术指导有喺现场教我点做，可惜我蠢，第一take就撞到个头，起咗层楼喺个头度。（冇乜后遗症嘛？）系有少少Wing wing地，不过都好快冇事。监制Amy姐第二日仲特登打嚟问我有冇事，吓亲佢真系唔好意思。」

Roxanne补充谓，相关场口不但在凌晨时分拍摄，而且还是在农历正月初六当日拍摄。这次其实亦是Roxanne首次身处后巷坑渠边拍戏，虽然环境卫生欠佳，但Roxanne为配合角色需要并不介意：「虽然要瞓地下，个环境都几污糟吓，但身为演员，我觉得只要系角色需要都应该要去做，就算隔篱有曱甴老鼠我都唔会怕。」Roxanne又笑言导演联络她演出时，一再向她强调Ada角色的死亡「重于泰山」：「冇你嘅死，又点会带得出之后仲有新嘅连环杀手？你嘅死好重要。」问到有否留意「了解中」的阮浩棕的演出，Roxanne笑言：「佢做得好好，坚系好癫，不过呢排都冇见过佢，如果下次见到佢，要赞吓佢。」