购物车
-
您的购物车内没有产品！
-
-
简
- EN
- 繁
- 简
娱乐新闻｜曾志伟节目言论火花十足惹热议，曾宝仪上载温馨合照证父女情不变｜曾志伟｜曾宝仪
发布日期: 2025-01-01 | 娱乐热话
曾志伟节目言论火花十足惹热议 曾宝仪上载温馨合照证父女情不变 曾志伟近日为台湾一个美食节目担任评审，日前节目邀请曾宝仪作客，两父女喺节目上唇枪舌剑，分享对食物调味嘅睇法，志伟主张食物调味好紧要，而阿女认为好嘅食物毋须过多调味，觉得酱料系多余，估唔到志伟爆出一句「最多余就是你来到这个地球」。 节目播出后，有人认为两父女好有火花，亦有人觉得志伟呢个玩笑太过火，事发几日后，宝仪喺社交平台公开回复，表示自己对爸爸言论完全冇感觉，亦唔会怀疑爸爸对自己嘅爱，仲上载一张两父女揽住嘅温馨合照。 志伟呢日喺台北出席一个活动亦有亲自响应事件，指呢个只系营造节目效果，必须跟熟人讲一啲狠话，志伟坦言同阿女一样做呢行，一直好有默契，彼此知道边啲说话系唔使理会，两父女都觉得呢番说话无伤大雅，二人感情极好，更一齐共度平安夜食饭庆祝，佢哋好珍惜相处时光，对于阿女同男友拍拖19年迟迟未结婚，志伟对仔女结婚生仔抱开放态度，给予仔女充分自由。
