购物车
-
您的购物车内没有产品！
-
-
简
- EN
- 繁
- 简
娱乐新闻｜万千星辉颁奖典礼男配竞争激烈，姜大伟谦称陪跑 后辈压力大｜姜大伟｜罗天宇｜何广沛｜阮浩棕｜林景程｜陈晓华｜刘颖旋｜郭柏妍｜杨卓娜
发布日期: 2025-01-15 | 娱乐热话
《万千星辉颁奖典礼2024》将于1月19号喺澳门隆重举行，而「最佳男、女配强」最后10强位位实力不容忽视，老中青三代同场竞争，激烈程度不亚于「最佳男、女主角」。 男配角名单中有姜大卫（John哥），呢位大前辈却讲到自己今次系陪跑，身边几位后辈何广沛、罗天宇等即刻话唔系，广沛仲话如果John哥话陪跑，咁佢应该要弃权。天宇话有投John哥一票，而广沛同阮浩棕亦投咗John哥之外，仲有投萧正楠一票。林景程对于有机会同John哥、阿萧及袁伟豪竞逐同一个奖，经已觉得好威！ 喺「最佳女配角」方面，杨卓娜就系大家公认嘅劲敌，所以陈晓华同刘颖旋将战场拉去「最佳衣着奖」，而大热卓娜呢日眼肿肿现身记招，原来佢左眼受细菌感染而严重发炎，佢忆述受感染嘅情况。至于能否赶及颁奖礼前康复，佢就佛系面对。
