娱乐新闻｜《夫妻的博弈》深圳举行煞科宴，剧组为高海宁送生日惊喜｜夫妻的博弈｜高海宁｜马国明｜何广沛｜游嘉欣｜张颖康｜郭柏妍｜林漪淇

TVB剧集《夫妻的博弈》正式煞科，总监制钟澍佳率领一众演员高海宁、马国明、张颕康、郭柏姸、游嘉欣、何广沛及邓智坚等出席深圳煞科宴，大家仲为13号正日生日嘅高海宁庆祝，高海宁话经已收咗七个生日蛋糕，感受到大家嘅爱，而正日生日当日有马国明呢位老拍档全天候陪开工，令佢更加难忘。 高海宁去年发现颈部有硬块，身体出现警号，令佢忙碌工作之余都多咗注意休息，而今年嘅生日愿望就系身体健康。另外佢希望新剧收视创佳绩，观众喜欢姜幸如呢个角色，因为拍摄过程实在太辛苦。 马国明喺拍摄过程好似瘦咗唔少，最心痛嗰位当然系佢嘅太太汤洛雯，高ling大爆马太担心到隔空请佢帮手点餐，高ling先将餐牌传给马太，再由马太亲自发办，高ling用手机点完外卖后仲会代马太送畀马国明，叮嘱系马太嘅爱心外卖，叫马明一定要好好享用。而马明亦喺访问中多谢太太，话自己有选择困难症，而太太完全知道佢嘅口味，通常回到酒店房会见到两个煲仔饭，絶对唔惊会饿亲。马明继而大爆太太因为担心，会不时去深圳秘密探班，之后又急急回港照顾家中猫咪。面对马明呢番放闪嘅言论，高ling无奈话经已习以为常。 呢套新剧亦有唔少新搭档CP，好似游嘉欣同何广沛要演一对，佢哋更形容一场接吻戏浪漫程度媲美韩剧，虽然为咗配合灯光拍摄时间好长，但系游游一啲都冇尴尬，反而专注成果。而何广沛更封游游系「小生收割机」，入行日子唔算耐，已收获唔少小生嘅肉咀。而郭柏姸呢次要挑战勾人夫嘅角色，同饰演人夫嘅张颕康有唔少床戏，Rosita大赞阿康经验充足，不时帮佢遮穿崩位，令佢拍得好安心。