胡定欣圆梦开个人音乐会唱足20首歌 多次感触落泪：自己好钟意唱歌，但一直冇做好

视后胡定欣在本月12日在佛山举行第一次个人专场《胡定欣LIVE CIRCLE巡回音乐会佛山站》个唱，650张门票秒速售罄，定欣又惊又喜，多次在台上感谢650位观众真金白银支持她的第一次，亦感谢自己一直没有放弃唱歌，终于可以圆梦。

今次专场定欣特意命名为《Live Circle》，对她而言别具意义：「《Live Circle》有人生嘅意思，其实人生就像一个圆形，人生中有好多事情发生，但其实系一个循环，圆形系唔会有一个终点，一个结束，佢一路系轨道上面，就以我唱歌嚟讲，虽然我当初入行系想成为歌手，缘份令我成为演员，但系我钟意唱歌呢样嘢从冇离开过我嘅生命，我依然好钟意唱歌，直至呢刻我可以举办到我个人专场畀大家。」

定欣更邀得在事业上有重要位置的「乱世情侣」祥哥做嘉宾，皆因二人曾有8次的合作，大家亦师亦友的关系，当他们合唱《巾帼枭雄之悬崖》的插曲《红蝴蝶》，令全场粉丝大呼「柴十七」同「七爷」。

以新秀歌唱比赛入行的定欣，虽然最终成为演员，她一直没有放弃过唱歌，今次能圆梦举办了这场个人骚，她接受TVB.COM直认兴奋期待：「我想开骚嘅心情准备咗一辈子，过去呢一年都一直有意思去办个人专场， 但中间又要安排好多嘢，希望系一个最好嘅时候做。」

她指在过去4年无间断学唱歌，全因很想自己技巧有进步：「因为以前真系太忙，唔可以成日都去练习 ，所以变相个效果唔系咁理想，而呢4年不停咁练， 自己真系见到个效果有改变 ，老师亦帮助咗我好多， 绝对系加强咗我嘅信心去开呢个骚。」又表示很想将自己学习到的技巧，在这个骚运用到出来。

在音乐会上，定欣多次感触落泪，她自言全因这段时间真的用了很多心机练习：「我喺个骚讲唱歌系一直自己好钟意嘅嘢，但自己一直冇将佢做好。今次经过时间用心练习， 当然我唔可以话系完美做得好好，但我觉得呢个都系过程， 我会继续去学同练习 ，所以绝对系好多感受。」

她在台上唱足两小时，献唱20首歌曲，对于其而言每首歌都有难度：「好似自己首歌《无悔无愧》，一向都避免拣，但同时因为系自己只歌，又够气势，我觉得更加应该要去面对，练到唔惊。」

当中她提到郑秀文的《我们都是这样长大的》和李幸倪的《 很坚强》最令其难忘：「呢首系我跟老师上堂学嘅第一首歌，所以呢首歌已经系用咗4年时间去练，由最初好紧张，变到依家好享受去唱，因为我觉得真系好好听同埋歌词好有意思；至于《 很坚强》系大胆嘅尝试，本身我钟意呢首歌，私下会成日听同试唱，但冇谂过会公开唱，因为难度好高，但最后都想趁呢个骚可以尝试一下。」

定欣又指举办这个骚盼在场的粉丝或现场观众能感受到其的用心和诚意：「 因为你花过心机去练， 你就会知道你嘅能力比以前多， 以前我绝对冇把握喺台上唱两个小时20首歌， 但呢个系一个好开始同埋嗰晚嘅骚令我获益良多，自己都好期待下一站，希望可以继续做自己喜欢嘅事同下一站嘅观众分享。」