购物车
-
您的购物车内没有产品！
-
-
简
- EN
- 繁
- 简
娱乐新闻｜萧正楠 黄翠如合体出活动，过年将与苗侨伟夫妇饭聚｜萧正楠｜黄翠如
发布日期: | 娱乐热话
萧正楠同黄翠如呢日夫妻档现身新年活动，粗身大细嘅翠如状态大好，隔离农历新年唔够一个星期，阿萧同翠如已做好过年准备，届时同发哥周润发、华哥黄日华及其他跑友一齐先跑步，再约埋去三哥苗侨伟夫妇屋企开大餐。 阿萧喺翠如怀孕期间一直细心照顾，不时化身厨神整嘢食，问到佢会整咩贺年食品畀翠如食，阿萧笑指睇吓家人有咩食剩嘅嘢，再谂一啲烹饪嘅方式翻新再改造，身旁嘅翠如即忍唔住笑，话等团年饭食剩就打包回家，最多系初一食到初八。 翠如个肚越嚟越大，代表同BB见面嘅日子越嚟越近，阿萧好积极帮BB谂名，仲好热衷用食物为BB改名，譬如「萧」叉烧、「萧」面包、「萧」鸡翼、「萧」鱼等，翠如爆阿萧觉得「烧卖」呢个名几好。 翠如笑指有咗之后食嘢方面冇亏待自己，仲有不停出街食嘢，翠如话而家钟意好多新鲜嘅味道，去唔同餐厅食嘢就会好开心，翠如仲话一直好钟意食朱古力，目前要注意血糖，所以佢有时会禁食甜嘢。讲到老公阿萧喺《奔跑吧！勇敢的女人们》饰演出轨渣男，翠如追剧睇到好入戏，有啲吓亲老公！
