佘诗曼杀青《正义女神Themis》 与契女食饭获对方一句话提醒：及时行乐

视后佘诗曼这几个月也忙于拍摄新剧《正义女神Themis》，与昔日旧拍挡谭耀文再度合作，二人必定擦出不少火花，阿佘甫出合照表示：「美丽嘅重遇，动人嘅故事，自如嘅对手，用心嘅演出，幸运嘅我，又一次完美嘅合作！」

日前剧集终于杀青，她今日（2月5日）在网上晒出与从澳洲回港的契女合照，并指「契女喺澳洲返咗嚟成两个几月，因为我拍紧剧，居然一日都抽唔到出嚟见一面，好彩喺佢走之前我部戏杀青，终于可以约食饭同佢倾吓偈。」

阿佘提到在饭局中因考虑晚上喝不喝咖啡一事，而获契女一番话提醒，她表示：「佢提醒咗我宝贵嘅四个字『及时行乐』，有时会不知不觉畀自己一啲规限，所以要时不时提醒自己，做自己钟意嘅嘢，凼吓自己开心，活在当下！」

全交如下：

契女喺澳洲返咗嚟成两个几月，因为我拍紧剧，居然一日都抽唔到出嚟见一面，好彩喺佢走之前我部戏杀青，终于可以约食饭同佢倾吓偈。

我哋食完Yakiniku之后研究紧去边，Mui Mui突然好兴奋咁话：「我谂到喇，契妈我想走之前食多一次pancake呀！」虽然我饱到爆，当然都会陪佢去啦～

去到门口佢已经指住张相话：「我要食草苺嗰个！」

坐低咗，我系咁望住个Menu，佢问我想食咩…

我话：「其实我好想饮cappuccino」

佢话：「饮啰～」

我话：「但我惊瞓唔着，而家已经九点几啦喎⋯」

佢话：「你听日要返工咩？要早起身咩？」

我话：「唔使呀。」

佢话：「咁咪系啰，想饮就饮啦，我而家唔理㗎，总之我好想 做一件事，或者食一样嘢，我话知佢肥唔肥，我都照食咗先，满足咗自己先，开心咗先！你饮啦～」

最后，我真系叫咗杯Cappuccino，饮完第一啖之后，佢问我：「系咪好正呢？」，我好满足好冧咁点点头～

佢提醒咗我宝贵嘅四个字「及时行乐」，有时会不知不觉比自己一啲规限，所以要时不时提醒自己，做自己钟意嘅嘢，凼吓自己开心，活在当下！