娱乐新闻｜《痞子无间道》周一首播，周嘉洛预告剧情夸张暗藏玄机｜痞子无间道｜周嘉洛｜朱敏瀚｜陈滢｜黄子恒｜麦美恩｜曹永廉｜车婉婉

大受欢迎嘅剧集《痞子殿下》续集《痞子无间道》将于喺 2月10号晚首播，呢日剧组演员齐齐着上戏服到商场宣传，为咗配合新年气氛，佢哋仲舞住狮出场，相面搞笑。 周嘉洛就话监制系个疯狂魔鬼细节控，好多表面抢眼夸张搞笑嘅剧情，背后都隐藏咗一啲细节，朱敏瀚亦指戏中所有嘢都系有原因，唔系乱做嘅。而陈滢就指佢哋喺续集嘅服装比上一出更仔细，而大家嘅人设亦会有所变动。 提到服装，朱仔喺《痞子无间道》入面不乏骚麒麟臂嘅服饰，连带早前播映完嘅《奔跑吧！勇敢的女人们》入面，佢亦有多场骚肌场面，对此朱仔笑言自己已经习惯，仲话除衫戏会陆续有嚟，而嘉洛就话自己喺剧中都有露肉，不过就话自己唔系行靓仔大只「露」线，而系行搞笑「露」线呀。 由于JW 王灏儿外游未返港，所以大家就带同佢嘅人形纸板到场一齐宣传，不过佢戏中嘅CP朱仔就趁对方唔在场，话要精益求精，将JW个纸板掉落地，事后仲笑言大家不和到令JW连第一次宣传都唔嚟，搞到陈滢再帮忙解释，话JW只系仲enjoy紧佢嘅新年假期，下次宣传就会归队喇。 麦美恩喺上一辑饰演风情万种嘅妓院老板娘，今次以为可以换下角色演衙门部长，但知喺剧中佢又好快要重操故业开妓院，Mayanne就话唔知点解编剧们咁钟意睇佢演老鸨，佢笑语自己今次演得更霸气更不羁更入型入格。而黄子恒就话自己喺戏中角色儍儍更更，不过就畀Mayanne话佢似个儍佬，一齐开工时仲会畀对方吓亲。 而同样新加入嘅车婉婉，今次喺剧中饰演周嘉洛妈妈，佢同曹永廉都话开心可以遇到《痞子》呢个团队呀。