薛家燕新年举家赴日本旅行嫲孙合照表情「神同步」亲揭目的地选择有特别原因

发布日期: 2025-02-13 | 娱乐热话

2021年5月孙仔Julian出世，薛家燕（家燕姐）正式荣升做嫲嫲。不经不觉，孙仔已经三岁多，与家人关系非常要好的家燕姐，趁新年期间举家飞去日本旅行！

家燕姐于元宵节（12日）在IGPo出旅行相，并分享：「忙碌咗好几个月，终于有时间放个大假，新年期间同屋企人一齐去旅行！」相中可见，家燕姐与孙仔在富士山下留影，嫲孙俩都笑到四万咁口，表情「神同步」，画面好温馨！

向来非常锡孙的家燕姐更透露今次选择日本为目的地，原来都是为了满足孙仔Julian的心愿：「Julian对日本情有独钟，所以今次听佢意见，拣咗日本做目的地，有人话见到清晰嘅富士山，系一件好难得、好幸运嘅事，我哋都总算喺新年年初就行个大运，富士山真系好靓、好壮观，我都忍唔住不停打卡呀！」有爱的家庭氛围令不少网民称羡，亦有人大赞家燕姐状态大勇：「家燕人比山娇」，陆浩明留言：「家燕姐妳同富士山都好靓」。