李芷晴自认少女心对爱情有憧憬 透露过往拍拖经历曾令对方有压力

李芷晴（Stephanie）近日参加TVB全新恋爱综艺真人骚《女神配对计划》（暂名），她自称已单身5个月，希望能遇上比她高及有才华的男生，但不会着急去找。

对于今次参加这个恋综节目，Stephanie接受TVB.com访问直言一直以来也喜欢看不同国家的恋综，亦有幻想过自己有否机会能够参加：「我本身都系比较浪漫型同好讲直觉嘅女仔，好似今次呢个计划，当制作组接触我嘅时候，我又正正单身，唔知点解觉得有一种好似命中注定要参与嘅感觉，所以就决定参加。」

Stephanie自认少女心，对爱情十分有憧憬：「我好追求嗰种心动嘅感觉，加上我对爱情呢个议题一直都非常有兴趣，好钟意同唔同人讨论对爱情嘅睇法，所以身边嘅朋友都会觉得我系恋爱脑。」

她又直言每次拍拖也十分投入，会将对方放在重要的位置，望大家能互相支持和依赖对方，但正正如此亦同时令身边人有感压力：「因为我嘅Love Language系Quality Time同Physical Touch，所以我会期待同对方有多啲见面相处同接触沟通嘅时间，但系可能咁样亦会令到对方有压力。」

谈到作为女神的她，理应追求者众，要夺得其芳心也不是容易的事，对此Stephanie说：「我又觉得冇话难唔难追，因为我实在太讲求感觉，当我好钟意一个人嘅时候，佢甚至乎可能唔需要做任何嘢去追求我，我都会愿意同佢一齐。」

她续说最重要是感受到对方的真诚：「当然我都要感受到对方真系在乎自己，愿意为你付出几多，证明到自己喺对方心目中有几重要嘅指标。」