友乜唔讲得丨薛家燕难忘当年婚姻出问题找工作养家处处碰钉 直认「好姨」是人生转折点

《友乜唔讲得》由阮兆祥、梅小惠、江欣燕主持，今晚（23日）播出的第五集嘉宾，是出名是开心果的薛家燕！

江欣燕霸气Lv up扮曾励珍劲爆笑

本集主题是处境剧，家燕姐出场前，三位主持小惠、欣欣及祥仔大谈当年拍处境剧的难忘事，欣欣更大胆地无线高层曾励珍上身，摙住把声兼极有霸气地还原当年珍姐对其演出《同事三分亲》的评价：「入到珍姐房佢问我：『你有冇睇Forum呀？』我问：『咩嚟架？』（珍姐：）『计算机呀，嗰啲人好憎你喎』（欣欣：）『咁点呀？』（珍姐：）『但因为你呢个反派做得好，以后会加重你啲戏。』」足证珍姐关心艺人的同时，亦乐于主动给予各人发挥机会。祥仔亦指当年《皆大欢喜》，虽然是因为他向珍姐提议才有之后的时装版，但其实当时是全靠珍姐一早想好了贯穿古装及时装版本的绝世好桥，才能时装版比古装版拍得更多集数！小惠续指当年《皆大欢喜》受欢迎程度，是每星期都会有观众竞猜主角们下星期的造型会是甚么颜色，小惠说：「嗰时啲衫嘅颜色，系永远都唔会撞架。」

本集嘉宾家燕姐，正是《皆大欢喜》的灵魂人物，家燕姐坦言当年复出拍剧前，因为婚姻出现问题，曾四出搲捞，涉猎行业包括地产、保险及妇女信息节目主持，可惜没有一次成功，皆因大家都不相信家燕姐要找工作，家燕姐说：「我试过想做地产，一入到去啲人以为我嚟买楼，成堆人涌嚟介绍楼畀我。又试过想做保险…啲人唔信呀，但你请佢出嚟要饮茶食饭架嘛，变咗愈使愈多钱，但都签唔到一张单。」

「好姨」出街后工作不断：拍咗两星期度我call机就未停过

说回当年复出接拍的第一部剧集《真情》并饰演好姨，家燕姐指是获珍姐邀请加入剧组，并直指好姨是其人生转折点：「佢出场时系奸角嚟，但估唔到啲人钟意。我拍咗两个星期度，我个call机就未停过，剪彩、登台、拍电影（系咁嚟），《食神》都系嗰时搵我嘅，啲广告多到不得了。」家燕姐还搞笑地还原当年call机震个不停的「盛况」，画面劲爆笑。家燕姐又大爆当初签好姨只签了30集，期间友台向家燕姐招手拍处境剧，并开出一个当时家燕姐觉得是相当高的价钱：「人工争好远，比无线多好多。（有冇三倍？）佢系50集畀一大嚿钱我。」