今晚乜都拗｜麦玲玲疯狂啄住林盛斌：你额头凿住出轨两个字 阿Bob反眼反击：你担心吓你自己先啦！

昨晚一集《今晚乜都拗》争辩程度激烈，麦玲玲忽然「Mean精」上身、吓吓啄住阿Bob，令阿Bob一度嬲到冲往「敌方阵营」争论。事缘玲玲师傅先是长篇大论定义何为精神出轨：「我哋讲紧会上头嘅精神出轨，例如玩玩吓手机会笑吓好开心嘅，会扰乱生活节奏嘅；肉体出轨其实今时今日喺普遍嘅男性系好简单架啫（边说边向阿Bob手指指）。肉体出轨可以冇爱，精神出轨一定有爱情，最终精神连肉体一齐走埋嘅，所以女人拣系要两害取其轻。」说毕即针对阿Bob谓：「好似阿Bob成日都肚饿架，佢肚饿你唔畀佢食嘢咩？佢咪晕咯，系咪吖？」起初阿Bob仍气定神闲响应：「我依家唔出声住，等阵你就知死！」岂料玲玲未有收手，再下一城踩多阿Bob一脚：「所以你额头凿住出轨两个字！」之后又向着阿Bob手指指意有所指谓：「依家啲男人肉体出轨好快冇架喇，差唔多年纪架喇。」此言一出，原本哈哈大笑的阿Bob，即嬲到弹起身冲向玲玲师傅正式宣战：「指够喇！你唔好再指喇！」之后不忘搞笑抛出一句：「我依家即刻出轨！」去到第二回合论到阿Bob一方发言时，阿Bob即急不及待反击玲玲师傅：「你好担心我有冇肉体上面出轨吖嘛？你担心吓你自己先啦！你成日唔喺香港，又捞嘢又盛，你老公得自己喺屋企咋。」

除了玲玲师傅及阿Bob，昨晚曾展望及近日凭《痞子无间道》成功入屋的Honey都有惊人Bite，认为精神出轨较难的曾展望说：「反正每段关系走到最后，对大家身体都冇乜求知欲架喇。」森美闻言大表赞同：「你讲出咗好多结咗婚好耐男人嘅心态。」至于Honey更大胆表示支持另一半将肉体外判，并以外国新兴概念为例子：「肉体出轨我哋应该学习去接受，其实现代社会大家都同意另一半兼顾太多角色，不如外判番少少出去，外判咗个肉体关系出去。」森美闻言大为兴奋表示：「我好想赞成佢，但我惊我太太睇到。」