购物车
-
您的购物车内没有产品！
-
-
简
- EN
- 繁
- 简
娱乐新闻｜古天乐靓酒与好友公诸问好，饮醉会扮演照顾友人角色｜古天乐
发布日期: 2025-02-26 | 娱乐热话
古天乐呢日为代言嘅红酒品牌宣传，佢同朋友欢聚时间中都会叹下靓酒，而且身边嘅朋友都会带埋心头好一齐分享，一齐摸住酒杯底嚟倾偈，古仔就话佢哋近年倾偈嘅内容都同健康有关，单系讲预防流感都有排讲。 至于讲到酒量，古仔就话平时唔会饮太多，多数都系取决当日有几多人一齐食饭，而自己就较少会饮醉酒，平日喺酒桌上都系扮演照顾者嘅身份，如果见朋友差唔多醉就会劝对方唔好再饮，又或者系为大家安排接送车回家。 古仔十年前同5个童星合作电影《五个小孩的校长》，当时古仔畀几位小朋友追问恋情嘅访问近日就被网民返loop，讲起当晚画面古仔都仲系记忆犹新，笑言自己招架唔到佢哋求知欲咁高嘅状态；至于讲到最近成日畀网民同观众叫佢Daddy，问到古仔系咪荣升做爸爸，佢就敷衍咁话「系系系」。 而讲到早前畀fans偷袭锡脸一事，古仔承认有呢件事，仲话当时一切都发生得好快，自己都系事后听工作人员讲先知自己被偷袭。
