您的购物车内没有产品!
吴若希(Jinny)日前同粉丝大搞BBQ联欢,唔只有本地粉丝到场,更有粉丝特地从内地到香港参与聚会,加上Jinny老公Alex同一对仔女都有嚟,令Jinny大感暖心。Jinny话见返一啲忠粉都感到好开心。 Jinny一向容易同粉丝玩成一片,喺聚会上佢仲亲自主持玩Bingo游戏,Jinny一对小朋友都玩得相当投入。而Jinny呢日更收到一众粉丝精心为佢准备嘅礼物,就系成件都印有大头嘅羽织,以及一本利用Jinny喺《青春本我》旧剧照造成封面嘅风水书,Jinny赞大家有创意。 Jinny主演嘅剧集《香港人在北京》、《奔跑吧!勇敢的女人们》口碑非常好,大家好受落佢演喜剧,但Jinny希望自己将重心放喺音乐上。Jinny透露即将主持一个以直播方式进行嘅综艺节目,之前参演嘅剧集《巨塔之后》亦喺今年播出。