购物车
-
您的购物车内没有产品！
-
-
简
- EN
- 繁
- 简
娱乐新闻｜与吴业坤发布新歌，周吉佩跳唱歌曝光｜吴业坤｜周吉佩
发布日期: 2025-03-04 | 娱乐热话
周吉佩 同 吴业坤 呢日一齐举行新歌发布会，佢哋嘅粉丝将成个会场塞满，吉吉为大家带嚟未曝光嘅全新跳唱快歌《GUTS》，令现场气氛炽热，而坤哥则献唱新歌《爱情求生案内书》。 吉吉话为咗呢次跳唱，自己连日嚟都同dancers们不停排舞，所以上台演出时嘅信心都好咗，但系都仍然会紧张。吉吉又指一直以嚟都想做一只Dance funk嘅歌，写歌时已经有好多跳舞嘅画面，佢话本身自己唔谂住跳舞嘅，但为咗要燃起大家嘅情绪，吉吉话最后不得不跳呀。 至于问到坤哥几时会做一首快歌？求生欲满满嘅佢即刻话唔好，又话知道自己系走深情路线先够杀食，所以唔考虑快歌喇。 坤哥同吉吉10年前同属一间唱片公司，但当时佢哋就未有机会合作，而家再聚埋一齐，坤哥就提议同吉吉一齐搞个音乐节目，拣住吉他去旅游，而吉吉就话好想同坤哥合唱，仲话自己好钟意对方温婉嘅声线，搞到身边嘅坤哥即刻摆出害羞表情呀。 下月就会同吉S粉一齐去塞班岛庆祝fans club成立两周年，吉吉透露到时会有一个小型见面音乐会，喺沙滩同大家chill住唱，佢笑言重点系呢个trip太太唔会同行，吉吉又邀请坤哥一齐去，仲话当庆祝坤哥生日，所有团费由佢畀呀。
原文刊登于
TVBUSA
