购物车
-
您的购物车内没有产品！
-
-
简
- EN
- 繁
- 简
潘静文生日 获家人送欧洲车 即刻「找数」接载声梦好友游车河！
发布日期: 2025-03-05 | 娱乐热话
潘静文上月（2月25日）生日，日前佢喺社交网开心晒出一大堆庆生相，见佢获得唔少好友为佢庆祝，仲豪食超过6个蛋糕！佢捧住蛋糕影相留念，完全掩盖唔住幸福感，成个画面都充满欢乐气氛。
其中一段许愿片更成为焦点，片中见到一班亲友纷纷举起手机帮佢影相，画面至少有7部手机对住佢，排场相当巴闭！另外，早前成功考获车牌嘅潘静文，竟然获家人送上一部欧洲车作为生日礼物，实在太惊喜！佢受访时亦兴奋表示，最想接载嘅当然系声梦家人，包括姚焯菲（Chantel）同林智乐（Felix）等。
讲得出就即刻做到！话口未完，潘静文已经「找数」，即刻载住Chantel同林智乐游车河，更专程驶过青马大桥！林智乐仲拍低潘静文认真驾驶嘅画面，而Chantel则对住镜头摆V手势、挥手，玩得超开心，几人全程笑声不断，气氛轻松又愉快！
原文刊登于
TVB.COM
